ایک نیوز:الیکشن کمیشن کی جانب سے کراچی کی 11 یوسی پر 18 اپریل کو ہونیوالے ضمنی بلدیاتی الیکشن ملتوی کردیئے گئے، اب پولنگ 7 مئی کو ہوگی۔
الیکشن کمیشن کے ذرائع کے مطابق کراچی کے بلدیاتی انتخابات کا انعقاد 15 جنوری کو ہوا تھا تاہم 11 یوسیز پر امیدواروں کے انتقال اور دیگر وجوہات کی بناء پر پولنگ نہیں ہوسکی تھی۔انتخابات کیلئے 18 اپریل کی تاریخ مقرر کی گئی تھی۔
ذرائع کے مطابق رمضان المبارک کا آخری عشرہ ہونے کے باعث بلدیاتی ضمنی انتخابات کی تاریخ میں چند روز کی توسیع کی گئی ہے۔