ایک نیوز: لاہور میں رنگ روڈ سمیت دیگرعلاقوں میں ٹک ٹاک کے جنون میں اپنی اور دوسروں کی جان خطرے میں ڈالنے والے ایک لڑکی سمیت 30 ون ویلرز گرفتار، پولیس نے مقدمات درج کر لیے۔
لاہور پولیس کے مطابق گرفتار ملزمان موٹرسائیکلوں پر ون ویلنگ کر کے ویڈیو بناتے اور سوشل میڈیا پر وائرل کرتے تھے۔
ٹک ٹاک کاجنون؛ اپنی اور دوسروں کی جان خطرے میں ڈالنے والے 30 ون ویلرز ساندہ پولیس کی گرفت میں، مقدمات درج۔
— Capital City Police Lahore (@ccpolahore) April 9, 2023
ملزمان سوشل میڈیا پر ون ویلنگ کی ویڈیوز بھی اپلوڈ کرتے تھے،
اپنی اور دوسروں کی زندگی سے مت کھیلیں ون ویلنگ سے اجتناب کریں pic.twitter.com/vAhz3F0krn
پولیس کا کہنا ہے کہ گرفتارہونے والوں میں ایک لڑکی بھی شامل ہے، ملزمان ون ویلنگ کرتے ہوئے لڑکی کو موٹر سائیکل پر پیچھے بٹھا کر ویڈیو بنواتے تھے۔
پولیس کے مطابق ساندہ پولیس نے گرفتار ملزمان کے خلاف مقدمات درج کرلیے ہیں۔
لاہور پولیس حکام نے نوجوانوں سے اپیل کی کہ اپنی اور دوسروں کی زندگیوں سے مت کھیلیں ون ویلنگ سے اجتناب کریں۔