ایک نیوز:نگراں وزیراعظم انوار الحق کاکڑ نے کاروباری افراد کو بڑی خوشخبری سنادی۔
نگراں وزیراعظم انوار الحق کاکڑ نے ایس آئی ایف سی کی ایپکس کمیٹی کے پانچویں اجلاس کے بعد میڈیا سے گفتگو کی اور بتایا کہ نئی ویزہ رجیم کے حوالے سے فیصلے کیے گئے۔
تفصیلات کے مطابق اسپیشل انویسٹمنٹ فیسیلیٹیشن کونسل (ایس آئی ایف سی) ایپکس کمیٹی کے دوسرے سیشن میں وزرائے اعلی، وفاقی وزراء، عسکری قیادت اور دیگر حکام نے شرکت کی۔
ایس آئی ایف سی اجلاس میں خلیجی ممالک اور سعودی عرب کی سرمایہ کاری سے متعلق امور پر غور،جب کہ ایس آئی ایف سی حکام تاجروں سمیت دیگر اسٹیک ہولڈرز سے ملاقاتوں پر آگاہ کیاگیا۔
انوار الحق کاکڑ کاکہنا تھاکہ کاروباری افراد کو باآسانی ویزہ فراہمی ممکن بنائی جائے گی۔ کاروباری اداروں سے منسلک افراد کو بھی آسان ویزہ رجیم کی سہولت میسر ہوں گی ایسے اقدامات سے پاکستان ایک نئے دور میں داخل ہونے جارہا ہے۔
دوسری جانب نگراں وزیر خارجہ کا میڈیا سے گفتگو کرتے ہوئے کہنا تھاکہ پاکستان کے تعلقات خطےسمیت عالمی سطح پربہت مضبوط ہورہےہیں،چین کیساتھ پاکستان کے تعلقات بہت مضبوط ہیں، امریکاکیساتھ بھی پاکستان کےتعلقات مضبوط ہوتےجارہےہیں، سعودی عرب،مشرق وسطیٰ سمیت کئی ممالک کیساتھ تعلقات بہترہورہےہیں۔ہم نےخارجہ سطح پرلُک افریقہ پالیسی متعارف کرائی ہے، افریقی ممالک کیساتھ تعلقات بڑھانےاورتجارتی تعاون پرگفتگوکی گئی، یورپی یونین کیساتھ تعلقات کوبھی مزیدمضبوط بنانےپرگفتگوکی گئی۔تمام ممالک کیساتھ تجارت میں بڑھاواآیاہے،جی سی سی ممالک کیساتھ بھی تعلقات کو بڑھا رہے ہیں،ایس آئی ایف سی کےتحت سرمایہ کاروں کیلئےسہولت متعارف کرارہےہیں۔
نگراں وزیر خارجہ نے کہا کہ ایس آئی ایف سی کےقیام کےبعدپاکستان میں سرمایہ کاری میں دلچسپی بڑھی، ون ونڈوآپریشن کےذریعےعالمی سرمایہ کارباآسانی کاروبارسیٹ اپ کرسکتےہیں، عالمی سرمایہ کاروں کولانگ ٹرم ویزےبھی دیئےجائیں گے۔