ایک نیوز نیوز: ٹی20 ایشیا کپ 2022 میں پاکستان اور افغانستان کے درمیان کھیلے گئے میچ میں ہنگامہ آرائی کرنے والے تماشائیوں پر بھاری جرمانے عائد کر دیے گئے ہیں۔
رپورٹ کے مطابق پاکستان اور افغانستان کے درمیان شارجہ کرکٹ گراؤنڈ میں کھیلے گئے میچ میں توڑ پھوڑ کرنے والے ہر تماشائی کو 3، 3 ہزار درہم یعنی تقریباً پاکستانی 2 لاکھ روپے کا جرمانہ عائدکر دیا گیا ہے۔
دبئی پولیس کی جانب سے تماشائیوں کو وارننگ جاری کرتے ہوئے کہا گیا ہے کہ آئندہ ایسا کیا تو پھر جیل اور ڈی پورٹ بھی کیا جا سکتا ہے۔
#PAKvAFG Sharjah police hunting down the trouble making afghans and arresting them. These dumb heads will now get deported for cricket ????♂️ pic.twitter.com/sBnHdYgOUm
— Aayan (@AayanAsghar2) September 8, 2022
واضح رہے کہ دبئی پولیس حکام نے شارجہ اسٹیڈیم میں ہنگامہ آرائی کرنے والے 97 افغانیوں کو گرفتار کیا تھا اس کے علاوہ متحدہ عرب امارات کے مختلف حصوں سے بھی پاکستانی شائقین سے ہاتھا پائی کرنے پر 117 افغانیوں اور مجموعی طور پر 391 افراد کو گرفتار کیا گیا تھا۔
ٹوئٹر پر دبئی پولیس کی جانب سے ہنگامہ آرائی کرنے والے تماشائیوں کی ویڈیو بھی وائرل کی گئی تھیں۔
افغانستان سے پاکستان کی جیت کے بعد افغان شائقین کی جانب سے شارجہ کرکٹ اسٹیڈیم میں توڑ پھوڑ کی گئی اور تشدد کرنے کی مبینہ ویڈیوز بھی منظر عام پر آئی تھیں۔