ایک نیوز:آئی سی سی ورلڈ کپ میں انگلینڈ کرکٹ ٹیم کے کپتان جوز بٹلر کو خراب آؤٹ فیلڈ کی فکر ستانے لگی ہے۔
رپورٹ کے مطابق دھرم شالا میں کل انگلینڈ اور بنگلا دیش کی ٹیموں کے درمیان میچ شیڈولڈ ہے، جوز بٹلر کا کہنا ہے کہ کھلاڑیوں کو فیلڈنگ کے دوران محتاط رہنا پڑے گا اگر یہ میری نظر میں خراب آؤٹ فیلڈ ہے تو پھر تھوڑا احتیاط کرنے کی ضرورت ہے ، جب آپ ملک کے لیے کھیل رہے ہو تے ہیں تو پھر احتیاط نہیں کر سکتے۔انگلش کپتان نے کہا کہ ایک ایک رنز بچانے کے لیے پورا زور لگا دیتے ہیں ، آپ کو فیلڈنگ کے دوران اعتماد رکھنا پڑتا ہے ،آؤٹ فیلڈ اتنی اچھی نہیں ہے جتنی یہ ہونی چاہیے۔
واضح رہے کہ دھرم شالا میں کھیلے جانے والے پہلے میچ میں افغانستان اور بنگلا دیش کے کھلاڑیوں کو مشکلات پیش آئیں، آؤٹ فیلڈ کی وجہ سے کھلاڑی سنجیدہ انجری سے بال بال بچے۔دھرم شالہ کی پچ کو پہلے آفیشلز کی جانب سے خراب قرار دیا گیا، بعدازاں گزشتہ روز آؤٹ فیلڈ کے معائنے کے بعد اسے کھیلنے کے لیے اوکے قرار دیا گیا۔