ایک نیوز :بھارت میں سیاسی رہنما گاڑی کی چھت سے گر گئےجس کی ویڈیوسوشل میڈیا پر وائرل ہوگئی۔
بھارتی میڈیا کے مطابق تلنگانہ کے وزیر کے ٹی راما راؤ جمعرات کو اس وقت ایک گاڑی سے گر گئے جب وہ آئندہ ریاستی اسمبلی انتخابات کی مہم رہے تھے۔
ویڈیو میں دیکھا جاسکتا ہے کہ لوگ ان کے استقبال کیلئے جمع تھے اور لوگوں کو دیکھ کر گاڑی کی چھت پر کھڑے ہوکر ہاتھ لہرارہے تھے ۔
رہنماؤں کی حفاظت کے لیے لگائی گئی ریلنگ ٹوٹ گئی، ویڈیو میں کے ٹی آر خود زمین پر نہیں گرے جبکہ بی آر ایس لیڈر اور راجیہ سبھا رکن پارلیمنٹ سریش ریڈی گر پڑے۔
تلنگانہ کے وزیر کے ٹی راما راؤ نظام آباد میں انتخابی مہم کے بعد کوڈنگل میں ایک روڈ شو میں حصہ لینے کے لئے روانہ ہوئے۔ ان کا کہنا تھا کہ انہیں کوئی چوٹ نہیں پہنچی ہے اور انہوں نے لوگوں سے کہا کہ وہ ان کی صحت کے بارے میں فکر نہ کریں۔