ایک نیوز :ساؤتھ کی مشہور و معروف اداکارہ اور تیلگو سپر اسٹار سمانتھا روتھ پرابھو نے 8کروڑ مالیت کا اپارٹمنٹ خرید لیا۔
حال ہی میں وہ ایک بار پھر اس وقت میڈیا کی شہ سرخیوں کا حصہ بنیں جب ان کے بارے میں یہ اطلاع آئی کہ انہوں نے حیدر آباد میں ایک نیا گھر خرید لیا ہے۔
اطلاعات کے مطابق ڈوپلیکس اپارٹمنٹ جو کہ حیدر آباد کے علاقے جیابھیری اورنج کاؤنٹی میں واقع ہے اس کی قیمت 7 کروڑ 80 لاکھ (بھارتی روپے) بتائی جاتی ہے۔
یاد رہے کہ یہ ان کی جانب سے رہائش کےلیے دوسری خریداری ہے، کیونکہ وہ پہلے ہی حیدر آباد میں ایک پر آسائش گھر کی مالکہ ہیں۔
ایک ریئل اسٹیٹ تجزیہ کار فرم کے مطابق اس پرتعیش اپارٹمنٹ میں 6 پارکنگ سلوٹس ہیں جبکہ اس پراپرٹی میں ایک سپر بلٹ اپ ایریا 7 ہزار 944 اسکوائر فٹ ہے، اس کے ساتھ 13ویں فلور پر 3 ہزار 920 اسکوائر فٹ اور 14ویں فلور پر چار ہزار 24 اسکوائر فٹ ایریا شامل ہے۔