ایک نیوز: بالی وڈ کے سینیئر اداکار اور ہدایتکار ستیش کوشک انتقال کر گئے ہیں۔
رپورٹ کے مطابق ر 66 سالہ ستیش کوشک کو نئی دہلی میں کار میں سفر کے دوران دل کا دورہ پڑا جو کہ جان لیوا ثابت ہوا۔اداکار کی موت کی خبر بالی وڈ اداکار اور انکے دوست انوپم کھیر نے اپنے ٹوئٹ کے ذریعے دی۔
انوپم کھیر نے ٹوئٹ میں لکھا کہ'میں جانتا ہوں کہ موت اس دنیا کی آخری سچائی ہے لیکن میں نے خوابوں میں بھی نہیں سوچا تھا کہ میں یہ بات کسی دن اپنے بہترین دوست کے بارے میں لکھوں گا۔ 45 سال کی دوستی پر ایسا اچانک فل اسٹاپ لگ گیا ہے۔ آپ کے بغیر زندگی کبھی ایک جیسی نہیں رہے گی ستیش!'۔
اداکارہ کنگنا رناوت نے بھی ستیش کوشک کے انتقال پر اظہار تعزیت کیا اور کہا کہ ستیش کوشک بھارتی اداکار، کامیڈین، اسکرین رائٹر، ہدایتکار اور پروڈیوسر تھے۔
ستیش کوشک 13 اپریل 1956 کو ہریانہ میں پیدا ہوئے تھے اور انہوں نے بالی وڈ میں ڈیبیو کرنے سے قبل تھیٹرز میں کام کیا۔ستیش کوشک کو 1987 کی سپر ہٹ فلم مسٹر انڈیا میں کیلنڈر کے کردار سے پذیرائی ملی تھی۔ اس کےعلاوہ انہوں نے1990 میں انیل کپور کی فلم رام لکھن اور 1997 میں ساجن چلے سسرال کے لیے فلم فیئر کا بہترین کامیڈین کا ایوارڈ بھی جیتا تھا۔تو ستیش کوشک کی ہدایت کاری میں بننے والی فلموں میں روپ کی رانی چوروں کا راجا، پریم، ہم آپ کے دل میں رہتے ہیں اور سلمان کی مشہور فلم تیرے نام ڈائریکٹ کی۔