ایک نیوز:خیبرپختونخوا کے ضلع ڈیرہ اسماعیل خان میں دہشت گردوں کی فائرنگ سے مردم شماری ٹیم کی سکیورٹی پر مامور ایک پولیس اہلکار شہید جبکہ ڈرائیور سمیت 4 اہلکار زخمی ہوگئے۔
ڈیرہ اسماعیل خان : شہید کانسٹیبل گل فراز کی نماز جنازہ اعجاز شہید پولیس لائنز ڈیرہ میں سرکاری اعزاز کیساتھ ادا کردی گئی.
— KP Police (@KP_Police1) March 8, 2023
اس موقع پر پولیس کے چاک و چوبند دستے نے سلامی پیش کی اور افسران نے شہید کے جسد خاکی پر پھولوں کی چادریں چڑھائیں اور شہید کے ایصال ثواب کیلئے فاتحہ خوانی کی۔ pic.twitter.com/H555XMslIl
پولیس ترجمان کے مطابق ڈیرہ اسماعیل خان کے تھانہ درابن کی حدود گرہ مستان میں دہشت گردوں کی مردم شماری سکیورٹی ڈیوٹی پر تعینات پولیس موبائل پر فائرنگ کے نتیجے میں کانسٹیبل گل فراز شہید جبکہ اے ایس آئی حیات اللہ ، کانسٹیبل آفتاب، کانسٹیبل محمد نعیم اور ڈرائیور صابر شدید زخمی ہوگئے۔
ترجمان کے مطابق فائرنگ میں شہید ہونے والے کانسٹیبل گل فراز کی نماز جنازہ اعجاز شہید پولیس لائنز ڈیرہ اسماعیل خان میں سرکاری اعزاز کے ساتھ ادا کر دی گئی۔
حکام کے مطابق زخمی اہلکاروں کو ڈسٹرکٹ ہیڈ کوارٹر اسپتال منتقل کردیا گیا جہاں ان کا علاج جاری ہے۔ پولیس حکام کے مطابق واقعہ کے بعد ملحقہ علاقوں میں سرچ آپریشن جاری ہے۔