ایک نیوز:وینس کی مشہور جھیل کا رنگ چند روز قبل بدل گیاتھا اب جاپان کے ریا کا کچھ حصہ عین اسی طرح روشن سبز ہوگیا ہے۔ ماہرین نے تحقیقات بھی شروع کردی ہیں۔
مغربی جاپان کے مشہور شہر، اوساکا کے پاس آئیکوما کے علاقے میں واقع ٹاٹسوٹا جھیل کے لوگ تذبذب کے شکار ہیں کیونکہ ایک صبح جھیل کا غالب حصہ روشن سبز رنگت اختیار کرچکا تھا۔ بعض افراد کا خیال ہے کہ کسی نے نہانے والے نمکیات کی بڑی مقدار جھیل میں پھینکی ہے اور اس کیمیائی عمل سے پانی کا رنگ یکدم بدل گیا ہے۔
شہری انتظامیہ نے عوام کو جھیل سے دور رہنے کا مشورہ دیا ہے اور ابتدائی تحقیقات سے کچھ شواہد سامنے آئے ہیں۔ دریائے کنارے سوڈیئم فلورسین کی بڑی مقدار ملی ہے جسے سڑک سے پھینکا گیا تھا۔ اس کی رنگت سرخ ہوتی ہے لیکن پانی میں مل کر یہ سبز ہوجاتا ہے۔ یہ باتھ سالٹ میں عام استعمال ہوتا ہے۔
تاہم ماہرین کا خیال ہے کہ سوڈیئم فلورسین طبعی اور کیمیائی طور پر صحت کے لیے نقصاندہ نہیں ہوتا۔ تاہم کھیتی باڑی میں اس کا استعمال نقصاندہ ہوسکتا ہے۔