ایک نیوز : لنکڈ ان اور ٹوئٹر پر ہیکرز کے حملے کے باعث مختصر وقت کے لئے خرابی، پوسٹ کرنے میں مشکلات، انجنئیرز نے مسئلہ حل کرلیا۔
یادر ہے گذشتہ روز ٹویٹر صارفین ٹویٹ کرنے سے قاصر تھے۔ انھیں ایک پیغام کا سامنا کرنا پڑا جس میں کہا گیا تھا کہ آپ کی ٹویٹس بھیجنے کی روزانہ کی حد سے زیادہ ہیں۔ شام 5 بجے امریکہ میں تقریباً 9,000 صارفین کے لیے ٹویٹر ڈاؤن تھا۔
ویب سائٹ ڈاون ڈیڈیکٹر ڈاٹ کام کے مطابق شام 6 بجے تک بندش کی تعداد 2,500 تک کم ہو گئی۔ جس پر ٹوئٹر کے سپورٹ اکاؤنٹ نے ٹویٹ کیا کہ ہو سکتا ہے ٹویٹر آپ میں سے کچھ کے لیے توقع کے مطابق کام نہ کر رہا ہو۔ اس تکلیف کے لئے معذرت! ہم باخبر ہیں اور اس کو ٹھیک کرنے کے لیے کام کر رہے ہیں۔
یہ بگ اس وقت سامنے آیا جب ارب پتی مالک ایلون مسک نے اکتوبر میں کمپنی سنبھالنے کے بعد ٹویٹر کے عملے کو کم کر دیا ہے، جس کی وجہ سے کم انجینئرز کے ساتھ سروس کے قابل عمل ہونے کے بارے میں خدشات پیدا ہو گئے ہیں۔
مسک نے ٹویٹر کے ملازمین سے کہا کہ وہ ٹوئٹر سسٹم کو زیادہ سے زیادہ مستحکم کرنے اور اسے مضبوطی فراہم کرنے کے لیے ہمیشہ کوشاں رہیں۔ تا کہ کوئی بھی مسئلہ پیش آ جائے تو فوری اس کو حل کیا جائے اور صارفین کا اعتماد برقرار رہے۔
یادرہے اس سے قبل مائیکروسافٹ کارپوریشن لنکڈ ان (LinkedIn) نے کہا تھا کہ اس کی ایپ اور ویب سائٹ مختصر رکاوٹ کے بعد اب دوبارہ کام کر رہی ہے۔
ڈاؤن ڈیڈیکٹر کے مطابق پہلے دن میں تقریباً 15,000 صارفین نے سوشل نیٹ ورکنگ سروس لنکڈ ان پر عدم کارکردگی کی اطلاع دی تھی۔لنکڈ ان نے ایک ٹویٹ میں کہا تھا کہ ہمیں معاف کیجئے۔ اگر آپ کو آج لنکڈ ان دیکھنے میں پریشانی ہو رہی ہے، تو ہم اس کے لیے کام کررہے ہیں۔
اس میں کہا گیا ہے کہ ہو سکتا ہے کہ اس بندش کی وجہ سے صارفین کی ایک بڑی تعداد کو متاثر کیا گیا ہو اور کچھ کے لیے ہیکرس نے اس کی کارکردگی کو متاثر کیا ہو۔