ایک نیوز(چودھری اشرف)ویمنز انڈر19ٹی ٹوئنٹی ایشیا کپ کی تیاریاں عروج پر ہیں،پاکستان ویمنز انڈر 19 کی بلیوز بمقابلہ گرینز ٹیمز کے درمیان پریکٹس میچ کھیلا گیا ۔
نیشنل سٹیڈیم کراچی کی اوول گراؤنڈ پر کھیلے گئے میچ میں بلیوز نے ٹاس جیت کر پہلے بیٹنگ کی، بلیوز نے پہلے بیٹنگ کرتے ہوئے 19.3 اوورز میں 95 رنز بنائے بلیوز کی، بیٹر راویل فرحان نے 18 بالز پر 21 رنز بنائے جس میں 2 چوکے بھی شامل تھے ۔
ذوفشاں حیات نے 27 بالز پر 19 رنز بنائے گرینز کی ،ہانیہ احمر نے 22 رنز دے کر 3 کھلاڑیوں کو آؤٹ کیا ،شہر بانو اور روزینہ اکرم نے 18 رنز دے کر2وکٹیں حاصل کیں جبکہ قرہ العین نے 19 رنز دے کر 2 آؤٹ کیے۔
ٹیم گرینز نے 18.3 اوورز میں5 آؤٹ پر 96 رنز بناکر میچ جیت لیا ، ٹیم گرینز کی بیٹر کومل خان نے 43 بالز پر 43 رنز بنائے جس میں 6 چوکے شامل تھے ۔
اریشہ انصاری نے 32 بالز پر 31 رنز بنائے جس میں 4 چوکے شامل تھے ٹیم بلیوز کی جانب سے ماہ نور جیب نے 10 رنز اور مناہل جاوید نے 22 رنز پر 2۔ 2 کھلاڑیوں کو آؤٹ کیا۔
کیپشن: Women's Under-19 Asia Cup preparations continue, team greens win, defeat blues