امریکی شہری نے چیپ سٹکس سےغباروں کو پھاڑ کر نیا ریکارڈ بنا ڈالا

ویب ڈیسک: امریکا سے تعلق رکھنے والے سیریل ریکارڈ ساز ڈیوڈ رش نے30سیکنڈ میں چیپ سٹکس سے28غباروں کو پھاڑ کر نیا ریکارڈ بنا ڈالا۔
امریکی ریاست آئیڈاہو سے تعلق رکھنے والے ڈیوڈ رش نے30سیکنڈ میں سب سے زیادہ غبارے پھاڑنے کا چیلنج لیا، انہیں ریکارڈ بنانے کیلئے15کا ہندسہ عبور کرنا تھا،ڈیوڈ رش نے بتایا کہ کچھ چیزیں منصوبے کے مطابق نہیں ہوئیں۔ 
ایک غبارے کو وقت ختم ہونے کے بعد پھاڑنے پر ناقابلِ قبول قرار دیا گیا جبکہ دو غباروں کو ایک غبارے کے ساتھ پھٹنے کی وجہ سے نہیں گنا گیا لیکن یہ تجربہ ناقابلِ فراموش تھا۔
اتنے غباروں کو گنتی میں نہ لائے جانے کے باوجود ڈیوڈ رش نے 28 غبارے پھاڑ کر ریکارڈ اپنے نام کر لیا۔