عالمی ادارہ صحت نےپاکستانی کھانسی کےشربت کوخطرہ قراردیدیا

ویب ڈیسک:عالمی ادارہ صحت(ڈبلیوایچ او)نےپاکستانی برانڈکےکھانسی کےشربت کےبارےمیں الرٹ جاری کردیا۔
تفصیلات کےمطابق عالمی ادارہ صحت نے بھارت کےبعدپاکستان کےکھانسی کےشربت بھی صحت کیلئےنقصان دہ قرار دےدیئے۔
ڈبلیو ایچ او کا کہنا ہے کہ لاہور کی فارماسیوٹیکل کمپنی کے بنائے ہوئے کھانسی کے شربت میں زہریلی کثافتیں پائی گئیں، غیر معیاری سیرپ مالدیپ، فجی سمیت کئی ممالک میں پایا گیا۔
ڈرگ ریگولیٹری اتھارٹی پاکستان (ڈریپ) کا کہنا ہے کہ متعلقہ فارماسیوٹیکل کمپنی کا سیرپ سیکشن پچھلے ماہ بند کر چکے ہیں۔
خیال رہے کہ گزشتہ ماہ بھی مالدیپ حکومت اور ڈبلیو ایچ او نے لاہور کی کمپنی کے بنائے کھانسی کے سیرپ پر الرٹ جاری کیا تھا۔
لاہورکی کمپنی کے کھانسی کے سیرپ میں نقصان دہ ڈائی ایتھلین گلائکول اور ایتھلین گلائکول نامی کثافتیں پائی گئی ہیں۔