سالک شاہ: کراچی پولیس نے ڈکیت میاں بیوی کو گرفتار کرلیا جوڑے نے ایک درجن وارداتوں کا انکشاف کیا ہے۔
ایس ایس پی ملیر سید عرفان علی بہادر نے پریس کانفرنس کرتے ہوئے کہا ہے کہ ملزم ڈکیت جوڑے سے اسلحہ، موٹر سائیکل اور مسروقہ اشیا برامد کر لی گئی ہیں ۔ ملزم میاں بیوی کو شرافی گوٹھ پولیس نے مرتضیٰ چورنگی کے قریب کارروائی کے دوران عمیر حسن اور اسکی بیوی فائزہ کو گرفتار کیا جنہوں نے ابتدائی طور پر ایک درجن سے زائد ڈکیتیوں کا اعتراف کیا ہے ۔
ایس ایس پی کا مزید کہنا تھاکہ ملزم جوڑے سے پستول ، موٹر سائیکل ، لانڈھی کے علاقے سے چھینا ھوا موبائل فون، نقد رقم چھ ھزار روپے اور دیگر اشیا برآمد ہوئی ۔ دونوں میاں بیوی اسلحہ کے زور پر لانڈھی اور آس پاس کے علاقوں میں ڈکیتیاں کرتے ھیں اور گذشتہ رات بھی لانڈھی چار میں ایک دکان پر ڈکیتی کی واردات کی تھی ۔لانڈھی اور شرافی گوٹھ تھانہ میں ملزمان کے خلاف ڈکیتی کے مقدمات درج ھیں ۔