ایک نیوز:وفاقی وزیراطلاعات مریم اورنگزیب نے عمران کے وائٹ پیپر کے حوالے سےکہا کہ وائٹ پیپر ، پیلا پیپر یا لال پیپر سے تمہاری نالائقی نااہلی چوری اور آئین شکنی سفید نہیں ہو گی ۔
تفصیلات کے مطابق مریم اورنگزیب نے کہا کہتمہاری لائی معاشی تباہی اور بربادی سے قوم کو بچایا چار سال ملکی معیشت تباہ ، نوجوان بے روزگار ملک غریب اور مہنگا کرنے والا ایک سال کی کارکردگی پہ سوال پوچھ رہا ہے پاکستان کو دیوالیہ کی نہج پہ پہنچانے والا دیوالیہ سے بچانے والوں پہ وائٹ پیپر چھاپ رہا ہے بہت دھیان سے پڑھا بہت ڈھونڈا لیکن وائٹ پیپر میں بجلی کا گردشی قرضہ 1100 ارب سے 2400 ارب کرنے کا ذکر نہیں ہے وائٹ پیپر میں گیس کا گردشی قرضہ صفر سے 1400 ارب کرنے کا ذکر نہیں ہے ،وائٹ پیپر میں آٹا 35 روپے سے 100 روپے اور چینی 52 روپے سے 120 روپے کرنے کا ذکر نہیں ہے بجلی فی یونٹ 11 سے 25 روپے اور گیس 600 سے 1400 روپے کرنے کا ذکر نہیں ہے وائٹ پیپر میں ملک پر صرف چار سال میں قرض 44 ہزار ارب کرنے کا ذکر نہیں ہے سال میں 20 ہزار ارب کا تاریخی قرض لینے کا ذکر نہیں ہے ہم نے ایک سال میں تمہارے لئے قرض کے 11 ارب ڈالر واپس کئے ۔
چار سال میں پاکستان کی تاریخ کے چار بد ترین بجٹ خساروں کا ذکر نہیں ہے چار سال میں ہر ملک دوست کو ناراض کرنے کا ذکر نہیں ہے چار سال میں دو کروڑ لوگ غربت کے جہنم میں پھینکنے اور ، 60 لاکھ بے روزگار کرنے کا ذکر نہیں ہے چارسال میں پاکستان کو دنیا کا تیسرا مہنگا ترین ملک بنانے والے کو وائٹ پیپر جاری کرتے شرم آنی چاہیے ،چار سال میں ایک بھی یونٹ نئی بجلی اور گیس کا اضافہ نہ کرنے کا ذکر نہیں ہے چار سال میں ملک کو پھر سے دہشت گردی کی نظر کرنے کا ذکر نہیں ہے ۔
مریم اورنگزیب نے مزید کہا کہوائٹ پیپر میں فرح گوگی اور پنکی پیرنی کی لوٹ مار کا کوئی ذکر نہیں پیپر میں خانہ کعبہ کے عکس والی گھڑی، پانچ قیراط کے ہیرے اور انگوٹھیوں کی تصاویر بھی شائع کرنی تھیں پیپر میں آئی ایم ایف سے خود معاہدہ کرنےاور پھر اس کے ڈیفالٹ کا ذکر نہیں ہے چار سال مہنگائی 4 فیصد سے 25 فیصد کرنے کا ذکر نہیں ہے۔
کیپشن: پی ٹی آئی کے وائٹ پیپر پر حکومت کا رد عمل