ایک نیوز:سیکرٹری صحت پنجاب علی جان خان کا کہنا ہے کہ صوبے میں گزشتہ 24 گھنٹوں کے دوران 82 نئے مریضوں میں ڈینگی وائرس کی تصدیق ہوئی ہے۔
علی جان خان کا کہنا ہے کہ لاہور میں گزشتہ روز ڈینگی کے 44، راولپنڈی میں 20، ملتان میں 5، فیصل آباد میں 4 اور قصور میں 3 نئے کیس رپورٹ ہوئے جبکہ گوجرانوالا، ننکانہ، بہاولپور، چکوال، جھنگ اور چنیوٹ میں ڈینگی کا ایک ایک نیا مریض سامنے آیا۔
سیکرٹری صحت کاکہناہےکہ رواں سال اب تک صوبے بھر میں ڈینگی کے 1709 کنفرم مریض رپورٹ ہو چکے ہیں، جن میں سے681 کا تعلق صرف لاہور سے ہے۔
ان کا کہنا ہے کہ اس وقت لاہور کے ہسپتالوں میں زیر علاج ڈینگی کے کُل 52 مریضوں سمیت صوبے بھر میں کُل 93 مریض زیر علاج ہیں، جن میں سے 4 کی حالت تشویش ناک ہے۔
کیپشن: Dengue has become uncontrollable in Punjab, 82 new cases are reported