ایک نیوز نیوز: نسیم شاہ نے گزشتہ روز ایشیا کپ میں افغانستان کیخلاف 2 گیندوں پر 2 چھکوں کی مدد سے پاکستان کو ٹورنامنٹ میں اہم کامیابی دلوائی۔ ان 2 چھکوں نے شاہد آفریدی اور جاوید میانداد کے چھکوں کی یاد تازہ کردی تھی۔
پاکستانی کرکٹ ٹیم کے آل راؤنڈر شاداب خان نے سماجی رابطہ ویب سائٹ پر لکھا کہ کہنا ہے کہ جاوید بھائی اور شاہد آفریدی کے چھکوں کے بعد نسیم شاہ کے چھکے بھی یاد رہیں گے۔
شاداب خان نے مزید لکھا کہ کبھی اُمید نہیں ہارنی چاہیے، جیت کے باوجود ہم نے محسوس کیا کہ میچ میں کچھ غلطیاں کیں، ہم انہیں ٹھیک کریں گے۔
شاداب خان کو افغانستان کے خلاف شاندار کارکردگی دکھانے پر میں آف دی میچ ملا جسے انہوں نے پاکستان ٹیم اور اپنے مداحوں کے نام کردیا۔
Javed bhai aur Shahid bhai ke chakkoon ke baad sab ko @iNaseemShah ke chakkay yaad rahein gai. Kabhi umeed na haaro. Despite the win, we realise we made some errors and will try to work on them. To the my team and our fans, love u. This MOTM award is for you. #PakistanZindabad pic.twitter.com/vBBg0stsyq
— Shadab Khan (@76Shadabkhan) September 7, 2022
واضح رہے کہ ایشیا کپ ٹی 20 ٹورنامنٹ کے سپر فور مرحلے میں پاکستان نے دلچسپ مقابلے کے بعد افغانستان کو ایک وکٹ سے شکست دے کر فائنل کیلئے کوالیفائی کرلیا ساتھ ہی ساتھ اپنے حریف بھارت اور افغانستان کو بھی ٹورنامنٹ سے باہر کردیا ہے۔
افغانستان نے پاکستان کو جیت کیلئے 130 رنز کا ہدف دیا تھا جس کے تعاقب میں پاکستان کی9 وکٹیں 118رنز پر ہی گر گئی تھیں۔
کپتان بابراعظم صفر، فخر زمان 5 اور محمد رضوان 20 رنز پر آؤٹ ہوگئے تھے۔ اس کے علاوہ افتخار احمد 30 اور شاداب خان 36 رنز بنا کر پویلین لوٹ گئے تھے۔
پاکستان کو جیت کیلئے6 گیندوں پر 11 رنز درکار تھے۔ نسیم شاہ نے افغان بولر فضل حق فاروقی کو پہلی 2 بولز پر مسلسل 2 چھکے مار کر پاکستان کو کامیابی دلادی تھی۔
افغانستان کے خلاف 36 رنز کی اننگز کھیلنے اور ایک وکٹ حاصل کرنے پر شاداب خان کو مین آف دی میچ کا ایوارڈ دیا گیا۔