ایک نیوز :عرب لیگ نے شام کی رکنیت دس سال کی معطلی کے بعد مشروط طور پر بحال کردی ۔
عرب میڈیارپورٹس کے مصر کے دارالحکومت قاہرہ میں عرب لیگ کے رکن ممالک کا اجلاس ہوا جس میں شام کی رکنیت دس سال کی معطلی کے بعد مشروط طور پربحال کردیاگیا۔
رپورٹس کے مطابق عرب لیگ کے اجلاس میں رکن ممالک نے شام کے حق میں ووٹ دیا جبکہ شام کی عرب لیگ میں واپسی عرب حکومتوں کے ساتھ بتدریج تنازعہ کے سیاسی حل تک پہنچنے کے لئے جاری اس کے بات چیت کے عزم کے ساتھ مشروط ہے۔
میڈیا رپورٹس کے مطابق عرب لیگ نے سعودی عرب اور شام کے ہمسایہ ممالک لبنان، اردن اور عراق پر مشتمل ایک رابطہ کمیٹی بھی قائم کی ہے تاکہ پیشرفت کی پیروی کی جاسکے۔
کیپشن: شام کی عرب لیگ کی مشروط رکنیت بحال