کپل شرما نے مجھے کئی مرتبہ اپنے شوکیلئے بلایا، چاہت فتح علی خان

ایک نیوز :چاہت فتح علی خان نے دعویٰ کیا ہے کہ ہندوستان کے ٹاپ کامیڈین کپل شرما نے انہیں شو میں مدعو کرنے کے لیے کئی بار فون کیا۔
تفصیلات کےمطابق چاہت فتح علی خان کو پاکستان میں سوشل میڈیا پلیٹ فارمز پر اس وقت کافی مقبولیت حاصل ہوئی جب گزشتہ ماہ پاکستان سپر لیگ کے آٹھویں ایڈیشن کے لیے ان کا ترانہ وائرل ہوا ۔اس کے بعد چاہت فتح علی خان نے اپنے حوالے سے کئی انکشافات کئے ہیں گزشتہ دونوں انہوں نے ایک بیان میں کہ وہ فرسٹ کلاس کرکٹر بھی رہ چکے ہیںانہوں نے ایک اور دعوی کیا ہے کہ شہرت ملنے کے بعد انہیں خواتین شادی کی آفر بھی کرچکی ہیں ۔ 
اب انہوں نے ایک اور انکشاف کیا ہے کہ معروف کامیڈین کپل شرما نے مجھے بھارت میں اپنے مقبول شو میں مدعو کرنے کی خواہش کا اظہار کرتے ہوئے متعدد بار ان سے رابطہ کیا ہے۔