ایک نیوز:دوست کی شادی پر پرانے گانے میرادل یہ پکارےپر ڈانس کرکے شہرت حاصل کرنے والی عائشہ کا پہلا گاناریلیزہوگیا۔
تفصیلات کے مطابق میرا دل یہ پکارے گرل کو ماڈلنگ کے مزید پراجیکٹس ملے۔ عائشہ نے بالی وڈ کے پرانے گانے میرا دل یہ پکارے پر اپنی دوست کی شادی پر ڈانس کرکے شہرت حاصل کی۔
سوشل میڈیا سنسیشن عائشہ نے زی کے کے نئے ریلیز ہونے والے گانے بادل سے گئے کی میوزک ویڈیو میں فیچر کی۔ تاہم اس میوزک ویڈیو سے عائشہ زیادہ متاثر نہ کرسکیں۔
عائشہ نے حال ہی میں ایک میوزک ویڈیو کو شیئر کیا جس میں عائشہ نے فیچر کیا اور اداکاری کی۔ بادل سے گئے گانے کو زیڈ کے نے ڈائریکٹ اور گایا ہے، جس کی کمپوزیشن روشن، ربی اور اظہر نے دی ہے۔
عائشہ کے اس نئے ویڈیو سانگ پر ملے جلے تاثرات سامنے آرہے ہیں۔کچھ سوشل میڈیا صارفین عائشہ کو ٹرول کر رہے ہیں جبکہ بہت سوں نے عائشہ کے ڈیبیو ویڈیو پر ان کی کوشش کو سراہا۔