کیا درختوں کو کیڑوں یا دیمک سےمحفوظ رکھنےکیلئےسفیدرنگ کیاجاتاہے؟

ایک نیوز:اکثر گاڑی میں سفر کرتے یا پیدل چلتے ہوئے آپ نے سڑک کے کنارے پر ایسے درختوں کو دیکھا ہوگا جن کے نچلے حصے کو سفید پینٹ سے رنگا جاتا ہے۔
مگر کیا کبھی آپ نے سوچا کہ آخرکار درختوں پر سفید پینٹ کیوں کیا جاتا ہے؟
اس سے کیا فائدہ ہوتا ہے یا اس سے درختوں پر کیا اثرات مرتب ہوتے ہیں؟
عموماً درختوں کے تنے پر یہ سفید رنگ نظر آتا ہے اور اس کے پیچھے چھپی وجہ (یا وجوہات) بھی کافی دلچسپ ہے۔
یقین کرنا مشکل ہوگا مگر ایسا سائنسی وجہ کے باعث کیا جاتا ہے۔
درختوں کو رنگنے کیلئے چونے کا استعمال کیا جاتا ہے اور ایسا کرنے سے چونا درخت کے ہر نچلے حصے تک پہنچ جاتا ہے۔
اس کی وجہ سے درختوں کو کیڑوں یا دیمک سے تحفظ ملتا ہے جبکہ ان کی عمر میں اضافہ ہو جاتا ہے۔
چونے کے باعث درخت کی اوپری سطح کو تحفظ ملتا ہے اور چھال آسانی سے ٹوٹتی نہیں۔درخت پر سفید پینٹ کے استعمال کا ایک اور فائدہ بھی کارنیل یونیورسٹی کے ماہرین نے بتایا ہے۔
ان کا کہنا تھا کہ سفید رنگ سے درخت کی جڑوں کو سورج کی شعاعوں سے پہنچنے والے نقصان سے تحفظ ملتا ہے جبکہ کچھ ممالک میں تو اسے روڈ سائن کے طور پر بھی استعمال کیا جاتا ہے۔ان ممالک میں ایسی سڑکوں کے کناروں پر درختوں پر سفید پینٹ کا استعمال کیا جاتا ہے جہاں اسٹریٹ لائٹ نہیں ہوتی۔
تو جب گاڑی کی روشنی درخت پر پڑتی ہے تو درخت کی واضح نشاندہی ہو جاتی ہے۔