ایک نیوز: پاکستان سٹاک ایکسچینج میں کاروبار کے اختتام پر ہنڈرڈ انڈیکس 1904 پوائنٹس کی کمی سے مارکیٹ 1 لاکھ 14 ہزار 148 پوائنٹس پر بند ہوئی ۔
تفصیلات کے مطابق سٹاک مارکیٹ میں دن بھر مجموعی طور پر 464 کمپنیوں کے شیئرز میں کاروبار ہوا ، 118 کمپنیوں کے شیئرز کی قیمتوں میں اضافہ جبکہ 293 کے شیئرز میں کمی ہوئی ،ایک ارب 9 کروڑ 99 لاکھ سے زائد شیئرز کا لین دین ہوا ، 32 ارب 46 کروڑ سے زائد مالیت کے شیئرز کے سودے ہوئے ، مارکیٹ کی بلند ترین سطح 117،750 جبکہ کم ترین سطح 113،847 پوائنٹس رہی ۔
دوسری جانب انٹر بینک میں کاروبار کے اختتام پر ڈالر 5پیسے مہنگا ہوا ،جس کے بعد ڈالر کی نئی قیمت 278روپے 67سے بڑھ کر 278روپے 72پیسے ہوگئی۔