پاکستانی اداکارہ انجلین ملک کینسر میں مبتلا  

ویب ڈیسک: پاکستانی اداکارہ و پروڈیوسر انجلین ملک ایک موذی مہلک بیماری میں مبتلا ہوگئی ہیں ، اداکارہ نےکینسر میں مبتلا ہونے کا انکشاف کیا ہے۔
سنیئراداکارہ نے کینسر میں مبتلا ہونے کاانکشاف اپنے سوشل میڈیا اکاؤنٹ انسٹاگرام پر کیا،اپنے اکاؤنٹ پر سر منڈوانے کی تصویربھی شیئر کی اور پیغام میں کہا کہ وہ کینسر کے موذی مرض سے لڑ رہی ہیں اور انکی کیموتھراپی جاری ہے۔
اداکارہ نے یہ بھی بتایا کہ کینسر میں مبتلا ہونے کیساتھ ساتھ انہوں نے اپنا جیولری برانڈ بھی شروع کیا ہے،تصویر میں اداکارہ اپنی جیولری کی نمائش کرتے ہوئے ناک میں نتھنی اور گلے میں ہار پہنے ہوئے دیکھائی دے رہی ہیں۔
اداکارہ کی اس پوسٹ کے بعد نہ صرف انکے فینز بلکہ شوبز انڈسٹری کے ستاروں کیجانب سے بھی انکی صحتیابی کے لیے دعائیں کی جارہی ہیں۔