ایک نیوز:لاہور میں دہشت گردی کے خدشات کے پیش نظر سی ٹی ڈی نےپنجاب کے مختلف شہروں میں آپریشن کے دوران15دہشت گرد گرفتار کر لئے گئے ۔
آپریشن لاہور ،سیالکوٹ ،گجرات ،اٹک ،سرگودھا ،بہاولپور،جھنگ، میانوالی، چنیوٹ میں کیے گئے، لاہور سے بھی فتنہ الخوارج ایک خطرناک دہشت گرد گرفتار کیا،دہشت گرد کا تعلق شمالی وزیرستان سے ہے ۔
دہشت گردوں سے دھماکہ خیز مواد،ای ای ڈی بم،ڈیٹونیٹر ،حفاظتی فیوز تار 18فٹ ، پمفلیٹ نقدی برآمدہوئے، سی ٹی ڈی لاہور کا کہنا ہے کہ دہشت گردوں کی شناخت ،مدثر خان،سجاد احمد،عاشق ،اجمل خان ،عمیر اقبال ،محمد اعجاز ،سہیل احمد عیسی خان وغیرہسے ہوئی ۔
دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے ، رواں ہفتے میں 1498 کومبنگ آپریشنز کے دوران556 مشتبہ افراد گرفتار کیے ،لاہور کومبنگ آپریشنز میں 64511افراد سے پوچھ گچھ کی گئی ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔
کیپشن: CTD operation in different cities of Punjab, 15 terrorists arrested