ایک نیوز:سابق صدر آصف علی زرداری نے اپنا ووٹ کاسٹ کر دیا ہے۔
تفصیلات کے مطابق سابق صدر آصف علی زرداری نے نوابشاہ میں گورنمنٹ بوائز سکول ایل بی او ڈی کالونی سکول میں ووٹ کاسٹ کیا ، اس موقع پر سکیورٹی کے انتہائی سخت انتظامات کئے گئے تھے۔
واضح رہے کہ آصف علی زرداری این اے 207 نواب شاہ سے امیدوار ہیں۔
پاکستان میں آج ہونے والے عام انتخابات 2024 میں ملک بھر میں 12 کروڑ سے زائد ووٹرز قومی اور صوبائی اسمبلی کی 855 نشستوں پر اپنا حق رائے دہی کا استعمال کریں گے۔
عام انتخابات کے لیے ووٹنگ کے عمل کا آغاز آج صبح 8 بجے ہو گا اور پولنگ کا یہ عمل بلا تعطل شام 5 بجے تک جاری رہے گا۔
مجموعی طور پر قومی اور صوبائی اسمبلی کی 855 نشستوں پر ملک بھر میں 17 ہزار 758 امیدوار میدان میں ہیں جن میں ووٹرز اپنے نمائندوں کا انتخاب کریں گے۔