ایک نیوز: اوکاڑہ جندراکہ روڈ شیرو والا کھو کے قریب آتش بازی کا سامان تیارکرنے والی فیکٹری میں دھماکہ میں جھلس کر شدید زخمی ہونے والی خاتون سمیت2افراد اسپتال میں دم توڑ گئے۔
رپورٹ کے مطابق اوکاڑہ میں گزشتہ شام سلطان نامی شخص کی آتش بازی کا سامان تیار کرنے والی فیکٹری میں اچانک دھماکہ ہوا تھا جس میں آگ لگنے کے نتیجے میں چارخواتین سمیت چھ افراد شدید زخمی ہوئے تھے۔ دو زخمیوں محمد احمد اور فوزیہ کو حالت نازک ہونے کے پیش نظر ڈسٹرکٹ ہسپتال اوکاڑہ سے لاہور منتقل کیا گیا تھا۔ جہاں وہ زخموں کی تاب نہ لاتے ہوئے دم توڑ گئے تھے۔ پولیس فیکٹری مالک کی گرفتاری کے لیے چھاپے مار رہی ہے۔
پولیس کی ابتدائی تحقیقات کے مطابق قصبہ شیرو والا کھوہ میں غیر قانونی طور پر آتش بازی کا سامان تیار کیا جا رہا تھا جس کو دھوپ میں رکھتے ہوئے سامان میں آگ لگ گئی اور زور دار دھماکے سے سامان جل گیا آگ لگنے سے چھ افراد جھلس گئے