ویب ڈیسک:اسلامو فوبیا کے خلاف پاکستان کی عالمی سطح پر کوششیں اثر دکھانے لگی ہیں جس کے پیش نظر ڈنمارک کی پارلیمنٹ نے قرآن پاک کی بےحرمتی غیرقانونی قرار دے دی ہے۔
تفصیلات کے مطابق پارلیمان نے سزا کا قانون منظور کرتے ہوئے کہا کہ قرآن پاک کی بے حرمتی کرنے والے کو دو سال تک قید، جرمانہ یا دونوں سزائیں ہوں گی۔
بل کے حق میں 94 ارکان نے ووٹ دیا، جبکہ قانون کا اطلاق مقدس کتابوں کی بے حرمتی سے متعلق ویڈیوز پر بھی ہوگا۔ ڈینش وزارت انصاف وقانون کے مطابق قانون کا مقصد منظم انداز میں کی جانے والی بے حرمتی کو روکنا ہے۔
رواں برس ڈنمارک اور سویڈن میں عوامی مقامات پر مقدس کتاب کی بے حرمتی کی گئی تھی۔۔ پاکستان سمیت مسلم دنیا کی جانب سے شدید احتجاج کیا گیا تھا۔