ایک نیوز: ڈسٹرکٹ اینڈ سیشن کورٹ اسلام آباد نے طیبہ گل کی جانب سے سابق ڈائریکٹر جنرل قومی احتساب بیورو (نیب) شہزاد سلیم کے خلاف ہتک عزت کے کیس کی سماعت 6 مئی تک ملتوی کر دی۔
تفصیلات کے مطابق طیبہ گل اور سابق ڈی جی نیب شہزاد سلیم عدالت پیش ہوئے۔
طیبہ گُل کے وکیل نجی مصروفیات کے باعث عدالت پیش نہیں ہوئے۔جس پر ایڈیشنل سیشن جج نے کیس کی سماعت 6 مئی تک ملتوی کر دی۔
واضح رہے کہ گزشتہ سماعت پر عدالت میں پیش ہونے پر سابق ڈی جی نیب شہزاد سلیم کے وارنٹ گرفتاری معطل کردیے گئے تھے۔
ڈسٹرکٹ اینڈ سیشن کورٹ اسلام آباد نے فریقین کو نوٹس جاری کرتے ہوئے سماعت 8 اپریل تک ملتوی کی تھی۔