ایک نیوز:قومی کرکٹ ٹیم کے نوجوان بیٹر صائم ایوب نے کہا ہے کہ سعید انور لیجنڈ ہیں، اُن کی طرح بننے کی کوشش ہے۔
صائم ایوب کا میڈیا سے گفتگو میں کہنا تھا کہ سعید انور کی وڈیوز دیکھی ہیں، لیفٹ ہینڈ بیٹرز کی ہی ویڈیوز دیکھتا ہوں۔سعید انور کا ایک نام ہے، وہ پاکستانی کرکٹ کے لیجنڈ ہیں، اُن کی طرح بننے کی کوشش کرتا ہوں۔
نوجوان بیٹر نے مزید کہا کہ پاکستان ٹیم میں جو بھی رول ملے گا میں اس کے لیے تیار ہوں، گراؤنڈ میں اترتا ہوں تو اعتماد ہوتا ہے کہ میں اچھا کھیلوں گا۔بابر اعظم کی کپتانی میں پی ایس ایل میں بہت انجوائے کیا، کپتان بہت اعتماد دیتے ہیں جس سےحوصلہ افزائی ہوتی ہے۔
صائم ایوب نے یہ بھی کہا کہ اب تک بابر اعظم کا ساتھ اچھا رہا ہے، اُمید ہے آگے بھی اچھا رہے گا، ہر فاسٹ بولر کو نیٹ پر کھیل کر انجوائے کرتا ہوں۔