ایک نیوز: معروف پاکستانی اداکار شبیر مرزا مختصر علالت کے بعد انتقال کرگئے۔
اداکار شبیر مرزا کینسر کے عارضے میں مبتلا تھے ، گزشتہ ڈیڑھ ماہ سے ان کی طبیعت زیادہ بگڑ گئی تھی۔ شبیر مرزا نے مشہور زمانہ ڈرامہ گیسٹ ہاؤس سمیت مختلف ڈرامہ سیریل مکی کھڑوں انگلینڈ، آغوش، چن ماڑا چڑیا میں مرکزی کردار ادا کیے جبکہ اُن کی وجہ شہرت گیسٹ ہاؤس ڈرامے کا کردار تھا۔
علاوہ ازیں شبیر مرزا نے پاکستانی فلموں میں بھی اداکاری کے جوہر دکھائے۔
اہل خانہ کے مطابق شبیر مرزا کی نماز جنازہ آج صبح 10 بجے جھنڈا چیچی پھاٹک والی مسجد میں ادا کی جائے گی۔