بھارتی فوج کا بنگلادیش سرحد پر شہد کی مکھیاں تعینات کرنے کا فیصلہ

ایک نیوز :بھارت کی بارڈر سکیورٹی فورس نے بنگلادیش کے ساتھ سرحد پر اسمگلنگ ، دراندازی اور دیگر جرائم روکنے کیلئے فوجی جوانوں کی بجائے شہد کی مکھیاں تعینات کرنے کا فیصلہ کر لیا۔
بھارتی میڈیا رپورٹس کے مطابق نادیہ سمیت کچھ علاقوں میں مویشی، سونا، چاندی اور نشہ آور اشیا کی اسمگلنگ کا خطرہ زیادہ ہے،جس کی وجہ سے بی ایس ایف جوان سرحد پر شہد کی مکھیوں کا چھتّہ لگا رہے ہیں۔ اگر جرائم پیشوں نے کوئی بھی حرکت کی تو یہ شہد کی مکھیاں انھیں چھوڑیں گی نہیں۔
بی ایس ایف کی 32ویں بٹالین کے کمانڈینٹ سجیت کمار کے مطابق اس طرح کے پہلے منصوبہ کو نادیہ ضلع کے سرحدی علاقہ میں شروع کیا گیا ہے۔ غور کرنے والی بات یہ ہے کہ اس منصوبہ سے مقامی لوگوں کو روزگار بھی ملے گا۔
 کمانڈینٹ سجیت کمار کا کہنا ہے کہ بی ایس ایف کی جانب سے اس منصوبہ میں آیوش وزارت کو بھی شامل کیا گیاہے،اور وزارت سے طبی پودےلگانے کی درخواست کی گئی ہے۔