ایک نیوز نیوز: قومی ویمن کرکٹ ٹیم کی آل راؤنڈر ندا ڈار کو انٹرنیشنل کرکٹ کونسل (آئی سی سی) کا پلیئر آف دی منتھ قرار دے دیا گیا ہے۔
رپورٹ کے مطابق ویمن کرکٹ ٹیم کی بہترین پرفارمنس دینے والی بیٹر اور باؤلر ندا ڈار کو گزشتہ ماہ اکتوبر کیلئے شاندار کھیل پیش کرنے پر مہینے کی بہترین کھلاڑی (پلیئر آف دی منتھ کا اعزاز دیا گیا۔ آئی سی سی کا کہنا ہے کہ ندا ڈار نے اکتوبر کے مہینے میں بیٹنگ اور باؤلنگ دونوں کے ساتھ بہترین کارکردگی کا مظاہرہ کیا جبکہ اسی اعزاز کیلئے بھارتی کھلاڑی جمائمہ راڈرگس اور دیپتی شرما بھی نامزد ہوئیں۔
پاکستانی ویمن ٹیم کی اہم کھلاڑی ندا ڈار نے اعزاز کے متعلق مسرت کا اظہار کرتے ہوئے کہا کہ آئی سی سی ایوارڈ کیلئے نامزدگی ہی میرے لیے کسی اعزاز سے کم نہیں۔
قبل ازیں ندا ڈار ٹی 20 انٹرنیشنل میچز میں 100 وکٹس مکمل کرنے والی پہلی پاکستانی ویمن باؤلر بن گئیں۔ ندا ڈار نے یہ سنگِ میل گزشتہ برس ویسٹ انڈیز کے خلاف میچ میں عبور کر لیا۔