ایک نیوز نیوز: شام میں سرکاری فوج کے شمال مشرقی صوبے ادلب میں بے گھر افراد کے ٹھکانوں پر فضائی حملے میں 9 افراد ہلاک اور 75 افراد زخمی ہو گئے۔
غیرملکی خبر رساں ادارے کے مطابق شام میں انسانی حقوق کی پامالی سے متعلق اقدامات کی نگرانی کرنے والی تنظیم کے مطابق صدر بشار الاسد کی حامی فوج نے بے گھر افراد کے کیمپس بشمول مارم کیمپ پر 30 گولے برسائے۔
نگراں ادارے کے مطابق سرکاری فوج نے درجنوں راکٹ داغے جو مختلف علاقوں پر آ لگے۔
نگراں ادارے کا کہنا ہے کہ ہلاک ہونے والے تمام افراد برسوں سے جاری خانہ جنگی کے باعث اپنے گھر بار چھوڑ کر پناہ گزین کیمپوں میں رہنے پر مجبور تھے۔