پنجاب فوڈ اتھارٹی اتھارٹی نے لاہور میں سندرانڈسٹریل اسٹیٹ میں آئی ایس انڈسٹریز کو اشیائے خورونوش زمین پر رکھنے اوراستعمال شدہ آئل استعمال کرنے پر سیل کردیا۔ ٹیمپل روڈ پر پیزا اینڈ برگر ہٹ ،سمن آباد میں سلطان بیکری سیل کر دی۔ غیرمعیاری دودھ کی فروخت پر راولپنڈی میں غوثیہ ملک شاپ،ہاشمی ملک شاپ،چکوال ملک شاپ،اللہ توکل ڈیری ملک شاپ سیل ۔
سرگودھا میں حاشر احد سنیک یونٹ کو سیل کر دیا گیا، ساہیوال میں عدنان بیکرزاور نثار فوڈزکوسربمہرکردیاگیا، قصور میں دودھ لے جانیوالی گاڑیوں کی چیکنگ کے دوران چھ ہزار لیٹر ملاوٹ زدہ دودھ تلف کر دیا۔ ٹیسٹ کے دوران دودھ میں ایل آر انتہائی کم اور پانی کی ملاوٹ پائی گئی۔