لیونل میسی نےاپنے کلب سے معافی مانگ لی

ایک نیوز : فٹبال چیمپیئن لیونل میسی نے سعودی عرب جانے پر اپنے کلب سے معافی مانگ لی۔
غیر ملکی خبر رساں ایجنسی کے مطابق اسٹار فٹبالر لیونل میسی نے اپنے ایک بیان میں کہا کہ وہ بغیر اجازت سعودی عرب کا دورہ کرنے پر اپنے ساتھیوں اور کلب سے معذرت خواہ ہیں۔ میچ کے بعد چھٹی ملی تھی تو سعودی عرب کا دورہ کیا۔
انہوں نے کہا کہ میں نے پہلے بھی سعودی عرب کا دورہ شیڈول کر کے منسوخ کر دیا تھا تاہم اب دورہ سعودی عرب پر معافی مانگتا ہوں اور کلب کے فیصلے کا انتظار ہے۔
واضح رہے کہ لیونل میسی کے کلب پی ایس جی نے انہیں بغیر اجازت سعودی عرب جانے پر 2 ہفتے کے لیے معطل کر دیا تھا۔
دوسری جانب سعودی عرب لیونل میسی کو سعودی عرب پرو لیگ میں شرکت کے لیے سالانہ 40 کروڑ ڈالر معاوضے کی پیشکش بھی کر چکا ہے۔