ایک نیوز: الٰہ آباد یونیورسٹی کے مسلم بورڈنگ ہاسٹل کو پولیس نے خالی کروانے کے بعد سیل کر دیا ہے۔
رپورٹ کے مطابق پولیس نے الٰہ آباد یونیورسٹی کے مسلم بورڈنگ ہوسٹل کو خالی کروانے کے بعد سیل کرنے کی کارروائی کی گئی ہے۔ ہوسٹل کے سپرنٹنڈنٹ ڈاکٹر عرفان کااس سلسلے میں کہنا ہے کہ ’’ امیش پال قتل معاملے کو لے کر اس جگہ کو خالی کرایا گیا ہے۔ یہاں صداقت خان کمرہ نمبر 36 میں ناجائز طریقے سے رہتا تھا۔ یہ ہوسٹل اب عید تک سیل رہے گا۔‘‘
واضح رہے کہ بھارت کے شہر پریاگ راج میں سیاسی رہنما کے قتل میں اہم گواہ کو پولیس گارڈز سمیت سرعام قتل کردیا گیا تھا۔ جس سے شہرمیں خوف کی لہر دوڑ گئی ہے۔ امیش پال عرف کرشنا کمار پال کی بیوہ جیہ پال کی درخواست پر عتیق احمد نامی مسلمان شہری اور اس کے خاندان کے 9 افراد کے خلاف مقدمہ درج کرلیا گیا تھا۔ مسلح افراد نے پریاگ راج ( الہ آباد) کے علاقے سولم سرائے میں امیش پال پر اس کے گھر کے باہر حملہ کیا جس کے نتیجے میں وہ اور ان کی سکیورٹی پر تعینات سرکاری پولیس گن مین ہلاک ہوگئے تھے۔ حملہ آور جاتے ہوئے مقتول کا اسلحہ بھی ہمراہ لے گئے تھے۔
2005 میں بی ایس پی کے ایم ایل اے راجو پال کا قتل ہوگیا تھا جس کیس میں امیش پال مرکزی گواہ تھے ۔ امیش پال کی بیوہ نے الزام لگایا ہے کہ 2006میں بھی اپنا نام کیس سے نکلوانے کے لئے ملزم عتیق نے امیش پال کو اغوا کرلیا تھا ااورمنت سماجت کے بعد چھوڑا تھا۔
https://www.pnntv.pk/25-Feb-2023/25877