ایک نیوز:عیدالاضحی کب ہوگی؟ ذوالحج کا چاند دیکھنے کیلئے رویت ہلال کمیٹی کااجلاس آج منعقدہوگا۔
تفصیلات کےمطابق مرکزی رویت ہلال کمیٹی کا اجلاس آج محکمہ موسمیات کراچی کے دفتر میں ہوگا۔ اجلاس کی صدارت چیئرمین رویت ہلال کمیٹی مولانا عبدالخبیر آزاد کریں گے۔
اجلاس میں سپارکو، مذہبی امور، محکمہ موسمیات سمیت دیگر نمائندگان بھی شریک ہوں گے۔اور عید الاضحٰی کا چاند نظر آنےکی صورت میں چیئرمین رویت ہلال کمیٹی مولاناعبدالخبیرآزاد اعلان کریں گے ۔
ملک بھر کی طرح چاروں صوبائی دارالحکومت میں بھی رویت ہلال کمیٹی کا اجلاس منعقد ہوگا،زونل اور ڈویژنل سطح پر بھی قائم رویت ہلال کمیٹیوں کے اجلاس میں عید الاضحٰی کا چاند دیکھنے کا اہتمام کیا جائے گا۔ ذوالحج کا چاند دیکھنے کے لئے مرکزی رویت ہلال کمیٹی کے اجلاس میں سپارکو کے نمائندے بھی شرکت کریں گے۔