ایک نیوز: وفاقی تحقیقاتی ایجنسی (ایف آئی اے) اور انٹرپول پاکستان نے پنجاب پولیس کومطلوب چھ ملزمان یواے ای سے گرفتارکرلیے۔
ترجمان کے مطابق متحدہ عرب امارات سے گرفتار ملزمان کو سیالکوٹ ایئرپورٹ پرمتعقلہ پولیس کے حوالےکردیا گیا۔ گرفتار ملزمان میں قمرشہزاد، توقیر بٹ، بوستان حسن، صائم زیب، وقارعظیم اور نسیم عباس شامل ہیں۔
آئی جی پنجاب ڈاکٹر عثمان انور کی ہدایت پر پنجاب پولیس کی جانب سے بیرون ملک مفرور اشتہاریوں کی گرفتاری کیلئے کریک ڈاؤن میں تیزی۔ سنگین جرائم کا ارتکاب کر کے بیرون ملک فرار ہونے والے 6 اشتہاری انٹرپول کی مدد سے گرفتار ۔
— Punjab Police Official (@OfficialDPRPP) July 7, 2023
پنجاب پولیس رواں سال سنگین جرائم کا ارتکاب کرکے بیرون ملک… pic.twitter.com/vecC6TGNqW
ایف آئی اے کے مطابق ملزمان کے خلاف قتل، ڈکیتی کی دفعات کے تحت مقدمات درج تھے، گرفتار ملزمان اٹک، وہاڑی، گجرانوالہ، پاکپتن اور ٹوبہ ٹیک سنگھ پولیس کو مطلوب تھے۔