ویب ڈیسک :الیکشن کمیشن پاکستان کے سیکریٹری کے استعفے سے متعلق حکومت کا موقف بھی سامنے آگیا۔
تفصیلات کےمطابق نگراں وفاقی وزیر اطلاعات مرتضیٰ سولنگی نے بھی اپنے ایکس اکاؤنٹ پر الیکشن کمیشن کا وضاحتی بیان پوسٹ کر کے لکھا کہ ’افواہوں پر دھیان نہ دیں۔ سیکریٹری الیکشن کمیشن واقعی علیل ہیں۔ اللہ سے ان کی مکمل اور جلد صحت یابی کی دعا کرتے ہیں۔
افواہوں پر دھیان نہ دیں۔ سکریٹری الیکشن کمیشن واقعی علیل ہیں۔ اللہ سے ان کی مکمل اور جلد صحتیابی کی دعا کرتے ہیں۔
— Murtaza Solangi (@murtazasolangi) January 7, 2024
الیکشن کمیشن مکمل طور پر فعال ہے اور کسی قسم کا کوئی بحران نہیں ہے۔ pic.twitter.com/e5OBN0RDUG
دوسری جانب الیکشن کمیشن آف پاکستان نے سیکریٹری کے استعفے سے متعلق سوشل میڈیا پر گردش کرنے والی اطلاعات کی تردید کر دی۔اتوار کو الیکشن کمیشن نے اپنے بیان میں کہا کہ ’سیکریٹری الیکشن کمیشن ایک ذہین اور محنتی آفیسر ہیں اور وہ بہت اچھے طریقے سے کمیشن کا کام کر رہے ہیں۔پچھلے کچھ دنوں سے سیکریٹری کی صحت خراب تھی اور وہ اس سے قبل بھی میڈیکل ریسٹ پر رہے ہیں۔ اب بھی اگر ان کی صحت نے اجازت دی تو وہ جلد ہی اپنے فرائض منصبی سر انجام دیں گے۔