ایک نیوز: نیوزی لینڈ کے خلاف پاکستان کو شکست سے بچانے والے وکٹ کیپر بلے باز اور سابق کپتان سرفراز احمد کا گھر واپس پہنچنے پر شاندار استقبال کیا گیا۔
رپورٹ کے مطابق ٹیسٹ سیریز کے اختتام کے بعد سرفراز احمد بفرزون میں اپنے گھر پہنچے تو اہلخانہ اور عزیز و اقارب نے ان کا پرتپاک خیر مقدم کیا۔ نوجوانوں نے والہانہ رقص کرتے ہوئے فلک شگاف نعرے لگائے اور خواتین نے تالیاں بجا کرسابق کپتان سرفراز احمد کو زبردست خراج تحسین پیش کیا۔
واضح رہے کہ سرفراز احمد کو4 سال کے طویل وقفے کے بعد ٹیسٹ کھیلنے کا موقع ملا۔ جس پر سرفراز احمد نے نیوزی لینڈ کے خلاف دوسرے میچ کی دوسری اننگز میں 118 رنز کی شاندار اننگز کھیلتے ہوئے پاکستان ٹیم کو شکست سے نکالنے میں اہم کردار ادا کیا۔سرفراز احمد نے پہلی اننگز میں 87 رنز جبکہ مجموعی طور پر دو ٹیسٹ میچز کی چار اننگز میں 332 رنز بنائے۔
warm welcome for kaptaan, Sarfraz k leay phool or dhol se istaqbal @SarfarazA_54 pic.twitter.com/0mTqSf2skV
— Huzaifa khan (@HuzaifaKhan021) January 6, 2023