ویب ڈیسک:پاکستان ڈرامہ انڈسٹری کی معروف اداکارہ حبا بخاری نے اچھے اسکرپٹ پر کام کرنے کی ضرورت پر زور دیا ہے۔
حبا بخاری نے امید ظاہر کی کہ ہماری انڈسٹری میں گزشتہ 20سال میں بہتری آئی ہے اور اس میں مزید بہتری آنی چاہئے ۔
ایک سوال کا جواب دیتے ہوئے حبا بخاری نے کہا کہ ان کے خیال میں اچھے اسکرپٹ پر کام ہونا چاہئے کیونکہ لوگوں کے پاس اچھے اسکرپٹ ہے لیکن ان پر کام نہیں ہورہا ، ساتھ ہی ہمارے پروڈکشن ہاؤس کوبھی اتنا باہمت ہونا چاہئے کہ وہ اسے قبول کر سکیں۔
اپنے حالیہ پروجیکٹس کے بارے میں ان کا کہنا تھا کہ وہ ابھی فی الحال کسی پروجیکٹ میں نہیں آرہی ہیں لیکن بہت جلد کسی نئے پروجیکٹس میں آنے کا ارادہ ہے اور وہ اس کیلئے بہت پرجوش ہیں۔
اس موقع پر ان کے شوہر اور اداکار آریز احمد نے بتایا کہ وہ اس مرتبہ رمضان سے پہلے ایک پلے میں اداکاری کے جوہر دکھاتے ہوئے نظر آئیں گے ۔
دونوں اداکاروں نے اس خواہش کا اظہار کیا کہ وہ ایک ساتھ کسی پلے میں کام کرنا چاہتے ہیں ۔
اس کے بارے میں حبا بخاری کا کہنا تھا کہ ہم یہ چاہتے ہیں کہ جب ساتھ آئیں تو کوئی بہت ہی اچھا پروجیکٹ ہو اور جیسے ہی ایسا کوئی پروجیکٹ ملے گا ہم ضرور ایک ساتھ کام کریں گے۔
کیپشن: There is room for further improvement in our industry, Haba Bukhari