ایک نیوز: معیشت میں بہتری کیلئےمیری ٹائم سیکٹرمیں جامع اصلاحاتی منصوبہ تیار،وزیراعظم شہبازشریف نےسمندری شعبے کی مکمل بحالی کیلئے جامع اصلاحاتی منصوبے کی منظوری دے دی ہے۔
تفصیلات کے مطابق جامع اصلاحاتی منصوبے کے تحت پاکستان میری ٹائم اینڈ سی پورٹ اتھارٹی کا قیام عمل میں لایا گیا ہے ، منصوبے پر عملدرآمد یقینی بنانے کے لیے ایک اعلیٰ سطحی عملدرآمد کمیٹی بھی تشکیل دی گئی ہے ،عملدرآمد کمیٹی کی سربراہی وزیردفاع کریں گے جبکہ اس میں دیگر اداروں کےاعلیٰ افسران بھی شامل ہیں ۔
ذرائع کے مطابق کمیٹی کا اجلاس ہر15روز بعد ہوگا جس میں تمام منظور شدہ اقدامات پر عملدرآمد کی نگرانی کی جائے گی ، پاکستان نیشنل شپنگ کارپوریشن کی تنظیم نو، نیشنل پورٹس ماسٹر پلان کی تجدید اور بندرگاہوں کے ٹیرف کو یکساں معیار پرلایاجائےگا ،بندرگاہوں کی ڈیجٹلائزیشن اور آبی زراعت سمیت دیگر شعبوں پر خاص توجہ دی جائے گی ،اصلاحاتی منصوبےکےتحت مختلف بندرگاہوں پر نئےٹرمینلز کی تعمیر بھی کی جائے گی۔
دوسری جانب معاشی ماہرین کا کہناہے کہ پاکستان کو میری ٹائم سیکٹر میں سالانہ 5کھرب روپے کا نقصان ہو رہا ہے، میری ٹائم سیکٹر میں نقصان کی وجوہات میں بندرگاہوں کی مکمل صلاحیت کا استعمال نہ کرنا،ٹیکس چوری اور جعلی بلنگ شامل ہیں۔
معیشت دانوں کے مطابق افغان ٹرانزٹ ٹریڈ سسٹم کے غلط استعمال کی وجہ سے پاکستان اربوں روپے کا نقصان ہو رہا ہے، میری ٹائم شعبےمیں ٹیکس چوری کی وجہ سے سالانہ 1120 ارب روپے کا نقصان ہو رہا ہے، میری ٹائم سیکٹر میں اصلاحات کا جامع منصوبہ وقت کی اہم ضرورت ہے، اصلاحاتی منصوبےپرعملدرآمد اور بندرگاہوں کی ڈیجیلائزیشن سے ملکی معیشت میں واضح بہتری آئےگی ۔