ایک نیوز: قذافی اسٹیڈیم کی افتتاحی تقریب آ ج منعقد ہوگی ، افتتاحی تقریب کیلئے عوام کے لئے داخلہ فری ہو گا۔
انتظار کی گھڑیاں ختم ،صرف 117 روز کی ریکارڈ مدت میں جدید ترین سٹیڈیم تیارہوگیا ،زیادہ روشن ایل ای ڈی لائٹس، 2 نئی پہلے سے بڑی سکور سکرینز نصب کردی گئیں ،شائقین کرکٹ کے لئے ہر انکلوژرز سے میچ دیکھنے کا بہترین ویو ملے گا، انکلوژرز کے آگے تمام جنگلے ختم کردیئے گئے، آرام دہ امپورٹڈ نشستیں لگا دی گئیں ،نئے ہاسپٹلٹی باکسز،شائقین کرکٹ اور کھلاڑیوں کیلئے عالمی معیار کی سہولتیں فراہم کی جائیں گی۔
شائقین کرکٹ کےلئے قذافی اسٹیڈیم کے دروازے 5:30 بجے کھولے جائیں گے ، نامور گلوکار علی ظفر عارف لوہار اور آئمہ بیگ کل افتتاحی تقریب میں پرفارم کریں گے،ڈھول ، آتش بازی اور لائٹس شو کا شاندار مظاہرہ ہو گا ۔
چیئرمین پی سی بی محسن نقوی کی جانب سے سٹیڈیم کی تعمیر نو میں دن رات کام کرنے پر پوری ٹیم کو سراہا گیا۔
اس موقع پر محسن نقوی کا کہناتھا کہ سب سے پہلے ورکرز کا شکریہ ادا کرتا ہوں جنہوں نے ناممکن ٹاسک کو ممکن بنایا، ایف ڈبلیو او، نیسپاک، کنٹریکٹر اور پی سی بی کی ٹیمز نے سٹیڈیم کی تعمیر نو کا خواب حقیقت میں بدلا، تنقید کے باوجود پوری ٹیم نے انتھک محنت کی اور اللہ تعالٰی نے ہمارا راستہ آسان کیا، ایک بڑے ٹاسک کی تکمیل پر اللہ تعالی ٰ کے حضور سربسجود ہیں۔