ویب ڈیسک:عام انتخابات کیلئے پوسٹل بیلٹ پیپرز جمع کرانے کا وقت آج رات ختم ہو جائے گا۔
ترجمان الیکشن کمیشن کے مطابق آج رات 12بجے تک آراوزکےپاس پہنچنےوالے پوسٹل بیلٹ پیپرز گنتی میں شامل ہو سکیں گے۔12بجےکےبعدپہنچنےوالے پوسٹل بیلٹ پیپرز کوگنتی میں شامل نہیں کیاجائیگا۔ ریٹرننگ افسران پوسٹل بیلٹ پیپرز کو حتمی نتیجہ کی تیاری کے وقت شامل کرینگے۔ملک بھر سے قومی و صوبائی اسمبلیوں کےلئے 4 لاکھ 49 ہزار 287 پوسٹل بیلٹ پیپرز جاری کئے گئے قومی اسمبلی کےلیے 2 لاکھ 6 ہزار 533 پوسٹل بیلٹ پیپرز جاری ہوئے۔
ترجمان کے مطابق صوبائی اسمبلیوں کےلیے 2 لاکھ 42 ہزار 754 پوسٹل بیلٹ پیپرز جاری ہوئے ۔پنجاب اسمبلی کےلئے 74 ہزار 274،سندھ اسمبلی کےلیے 26 ہزار 649 پوسٹل بیلٹ پیپرز ، خیبرپختونخواہ میں سب سے زیادہ 81 ہزار 282 پوسٹل بیلٹ پیپرز ،بلوچستان سے 60 ہزار 550 پوسٹل بیلٹ پیپرز جاری ہوئے۔
سرکاری ملازمین ان کے اہلخانہ،قیدیوں اور معذور افراد کو پوسٹل بیلٹ پیپرز کی سہولت دی گئی تھی۔