ویب ڈیسک:دنیا کے قدیم ترین جنگلی پرندے نے تقریباً 74 سال کی عمر میں انڈا دیا ہے۔
امریکی نیوز ایجنسی کے مطابق یو ایس فش اینڈ وائلڈ لائف سروس کے پیسفک ریجن نے کہا کہ وِزڈم نامی سمندری پرندہ لیسن الباٹراس امریکی ریاست ہوائی میں مڈ وے اٹول نیشنل وائلڈ لائف ریفیوج میں واپس آیا اور ماہرین کا اندازہ ہے کہ یہ اس کا 60 واں انڈا ہو سکتا ہے۔
وزڈم اور اس کا ساتھی اکاکامائی 2006 سے انڈے دینے کیلئے بحرالکاہل میں اٹول کے مقام پر واپس آئے تھے، لیسن الباٹروس سال میں ایک انڈا دیتی ہے۔
حکام نے بتایا کہ لیکن اکاکامائی کو کئی سال سے نہیں دیکھا گیا اور جب وہ گزشتہ ہفتے واپس آئی تو وہ ایک دوسرے پرندے کے ساتھ دیکھی گئی۔
اے ٹول ریفیوج سے تعلق رکھنے والے جونتھن لِسنر نے ایک بیان میں کہا کہ ماہرین پُر امید ہیں کہ انڈے میں سے بچہ نکل آئے گا۔
ہر سال سیکڑوں سمندری پرندے ریفیوج پر موجود اپنے گھونسلوں میں واپس آتے ہیں اور اپنے بچوں کو پالتے ہیں۔