ویب ڈیسک:جاپان سےتعلق رکھنےوالےایک شخص نےکتوں سےمحبت کی مثال قائم کردی،ٹوکونامی شہری نے14ہزارڈالرخرچ کرکےکتےجیساروپ دھارامگراس کوناکامی کےسواکچھ حاصل نہ ہوسکا۔
تفصیلات کےمطابق جاپان سےتعلق رکھنےوالا شہری کتوں کی محبت میں 14ہزارڈالرخرچ کرکےکتابنامگراس کوناکامی کےسواکچھ نہ ملاکیونکہ وہ کتوں کاٹیسٹ پاس نہیں کرسکا۔اس شخص کواس وقت شدید صدمہ پہنچا جب وہ کتوں کا ٹیسٹ ہی پاس کرنےمیں ناکام ہوگیا۔
غیر ملکی میڈیا کے مطابق گزشتہ دنوں ایک جاپانی شخص خبروں کی زینت بنا رہا جس کی وجہ اس کا عجیب و غریب اور منفرد شوق تھا۔
رپورٹس کے مطابق مذکورہ شخص نے کچھ عرصہ قبل کتا بننے کے لیے باڈی سوٹس، تھری ڈی ماڈلز اور ملبوسات تیار کرنے والی مشہور کمپنی سے رابطہ کیا اور2 ملین ین (14 ہزار ڈالرز سے زائد) کی لاگت سے 40 دنوں میں حقیقت سے قریب تر کتے کا لباس تیار کرنے کا کہا۔
فوٹو اینڈ ویڈیو شیئرنگ ایپ انسٹا گرام پر ٹوکو کے نام سے اس شخص کا اکاؤنٹ بنا ہوا ہے جب کہ یوٹیوب اکاؤنٹ پر بھی یہ شخص خود کی کتے جیسے چلنے، کھانے پینے اور دیگر ویڈیوز شیئر کرتا ہے۔
تاہم یہ شخص بظاہر کتا تو بن گیا لیکن وہ کتوں کی مختلف کھیلوں کی سرگرمیوں پر مشتمل ٹیسٹ پاس کرنے میں ناکام ہوگیا۔
اس ٹیسٹ میں مختلف رکاوٹیں لگائی جاتی ہیں جنہیں پار کرتے ہوئے کتے اگلے مراحل کی جانب بڑھتے ہیں، انسٹاگرام اکاؤنٹ پر شیئر کی جانے والی تصاویر میں دیکھا جاسکتا ہے کہ ”ٹوکو“ یہ ٹیسٹ پاس کرنے میں کیسے ناکام ہوا۔