اےآئی ٹیکنالوجی کی مددسےگرگٹ جیسارنگ تبدیل کرنےوالالباس تیار

ویب ڈیسک:کیاآپ اپنےلباس کےرنگ کواپنی مرضی کےمطابق تبدیل کرناچاہتےہیں تواب یہ کام بھی ممکن ہوگیاہے۔
تفصیلات کےمطابق انسان کی خواہشات کبھی بھی پوری نہیں ہوتی اس لئےماہرین نےاب اس بارےمیں ایک کامیابی حاصل کرلی ہےکہ اےآئی ٹیکنالوجی کی مددسےگرگٹ کی طرح رنگ تبدیل کرنےوالا کپڑاتیارکرلیاہےجوآپ کی مرضی کےمطابق کپڑےکار نگ تبدیل کردے۔
جی ہاں واقعی ایسا آرٹی فیشل انٹیلی جنس (اے آئی) ٹیکنالوجی کی بدولت ممکن ہونے والا ہے۔
ہانگ کانگ کی لیبارٹری فار آرٹی فیشل انٹیلی جنس ان ڈیزائن (اے آئی ڈی لیب) کے ماہرین نے اے آئی ٹیکنالوجی کے ذریعے رنگ بدلنے والا لباس تیار کیا ہے جس میں ایک ننھا کیمرا بھی موجود ہے۔
اے آئی ڈی لیب کے مطابق یہ ٹیکنالوجی لوگوں کو مختلف رنگوں کے اضافی ملبوسات خریدنے سے روکے گی جس سے کچرے میں کمی لانے میں مدد ملے گی۔
اس کپڑے میں آپٹیکل فائبر اور اون کو استعمال کیا گیا ہے اور اس سے تیار کردہ لباس گرگٹ کی طرح رنگ بدلتا ہے۔
مثال کے طور پر فیس بک کے لائیک بٹن کی طرح انگوٹھے کو اوپر کرنے پر لباس گہرے نیلے رنگ کا ہو جاتا ہے جبکہ ہاتھ سے دل بنانے پر لباس گلابی رنگ کا ہو جاتا ہے اور اوکے (OK) سائن سے وہ سبز ہو جاتا ہے۔
لباس میں نصب کیمرا ہاتھوں کے اشارے کو سمجھ کر رنگ بدلنے میں مدد فراہم کرتا ہے۔
ماہرین کے مطابق لباس کے رنگوں کو فون پر ایک ایپ کے ذریعے بھی بدلنا ممکن ہے۔
تحقیقی ٹیم کی سربراہ پروفیسر Jeanne Tan نے بتایا کہ یہ لباس بہت نرم ہے۔
انہوں نے کہا کہ اس کو چھونے سے کسی عام لباس جیسا ہی احساس ہوتا ہے۔
ماہرین کو توقع ہے کہ مستقبل قریب میں اس ٹیکنالوجی کا استعمال عام ہو جائے گا، فی الحال اس سے تیار کردہ ملبوسات کو شاپنگ سینٹرز اور ایسے ہی دیگر عوامی مقامات پر رکھا گیا ہے۔