ایک نیوز نیوز: سینئر اداکارہ صبا فیصل نے بیٹے سلمان فیصل اور بہو نیہا سے تعلق ختم کرنے کا اعلان کرتے ہوئے سوشل میڈیا پر ویڈیو بیان جاری کردیا ۔
View this post on Instagram
تفصیلات کے مطابق سینئر اداکارہ صبا فیصل کے ویڈیو بیان پرشگفتہ اعجاز سمیت دیگر فنکاروں نے افسوس کا اظہار کیا۔ کچھ ہی عرصہ قبل بیٹے اور بہو کے مابین طلاق کی خبروں کی تردید کرنے والی اداکارہ صبا فیصل نے ویڈیو بیان میں کہا ہے کہ میں اپنے نجی معاملات کا ذکر سوشل میڈیا پر نہیں کرتی، تاہم مجبوراً یہ ذکر کرنا پڑ گیا۔فوٹو شیئرنگ پلیٹ فارم انسٹاگرام پر اپنے پیغام میں اداکارہ صبا فیصل نے کہا کہ لوگ مجھے میری بہو کے سوشل میڈیا پیغامات پر نامناسب الفاظ کا نشانہ بنا رہے ہیں۔ اللہ کا شکر ہے کہ میں نے بہت خوبصورت زندگی گزاری ہے۔
اداکارہ صبا فیصل کا کہنا تھا کہ خاندان میں نیہا جیسی منفی عورت آجائے تو گھر ٹوٹ جاتے ہیں۔ گزشتہ 4سال سے بیٹے کے باعث مشکل زندگی گزاری۔ یہی سوچ تھی کہ بیٹے کی زندگی اس کے ساتھ کیسی گزرے گی؟ویڈیو پیغام میں اداکارہ صبا فیصل نے کہا کہ زیادہ تفصیل میں جائے بغیر آپ اس ویڈیو سے اندازہ کرسکتے ہیں۔ اتنا کہنا ہے یہ میرا نیہا سے کوئی تعلق واستہ نہیں۔بیٹے کو اس کے ساتھ رہنا ہے۔ اس لیے دونوں سے میرا، بیٹی یا شوہر کا بھی کوئی تعلق نہیں۔صبا فیصل نے کہا کہ نیہا کے سوشل میڈیا پیغامات بہت سے پیجز نے شیئر کیے تاہم میں یا میری بیٹی سعدیہ اس لیے خاموش ہیں کیونکہ ہماری بات وائرل ہوجائے گی۔ باتوں کی گہرائی میں جانے پر لوگ تھو تھو کریں گے۔