ایک نیوز: پنجاب کے دریاؤں میں پانی کی سطح میں اضافہ ہوگیا، پی ڈی ایم اے کے مطابق دریائے سندھ میں تربیلا اورچشمہ کے مقام پر نچلے درجے کا سیلاب ہے۔
ترجمان پی ڈی ایم اے کا کہنا ہے کہ تربیلا کے مقام سے2 لاکھ 44 ہزار کیوسک پانی گزر رہا ہے، چشمہ ہیڈ میں پانی کی آمد 2 لاکھ 71 ہزار 324، اخراج 2 لاکھ 56 ہزار 124 کیوسک ہے۔
ترجمان کے مطابق دریائے جہلم میں منگلا کے مقام پر پانی کی سطح میں اضافہ ریکارڈ کیا گیا ہے، دریائے ستلج میں اسلام ہیڈ پرنچلے درجے کا سیلاب ہے۔
ہیڈ اسلام کے مقام سے 62 ہزار751 کیوسک پانی کا ریلا گزر رہا ہے، دریائے راوی میں پانی کا بہاؤ نارمل ہے۔
ترجمان پی ڈی ایم اے کے مطابق دریائے چناب میں مرالہ خانکی، تریموں کے مقام پر پانی کی سطح میں اضافہ ریکارڈ کیا گیا ہے۔
تمام بڑے دریاؤں کےبالائی علاقوں میں بارشوں کاسلسلہ 7اگست تک جاری رہے گا، اگست کے دوسرے ہفتےبارشوں کے سلسلے میں کمی کا امکان ہے۔
این ڈی ایم اے مون سون اپڈیٹ ⛈️:
— NDMA PAKISTAN (@ndmapk) August 7, 2023
دریائے سندھ میں تربیلہ، کوٹری اور دریائے ستلج میں اسلام کے مقام پر کم درجے کا سیلاب جاری رہنے کا امکان ہے۔
خیبرپختونخوا، شمالی پنجاب، گلگت بلتستان، کشمیر اور اسلام آباد میں تیز ہواؤں اور گرج چمک کے ساتھ بارش کا امکان ہے۔ pic.twitter.com/DeOmiCVT8U